Шаулап торган татар дөньясында Юктыр кеше аны белмәгән. Шигырьләрдә бүгенгене сөйли, Тукай исән, Тукай үлмәгән! Җиһанга Тукай аваз салган көн - 26 нчы апрельдә, традиция буларак, мәктәптә татар теле укытучылары тарафыннан "Шигырь бәйгесе" оештырыла. Тукайның балалар өчен язылган шигырьләре тиз истә кала, шунлыктан ккучылар Тукай шигырләрен яратып өйрәнәләр. Укучы кызларыбыз Сабирҗанова Алинәнең һәм Гараева Диләрәнең Тукай сүзләренә иҗат ителгән җырларны татар телендә матур тавыш белән моңлы итеп башкарулары бәйгене тагын да бизәп җибәрде, музыкаль аһәң өстәде. кичәне татар теле һәм әдәбияты укытуысы Ишмөхәммәтова Венера Мәгъсүм кызы алып арды. Әлбәттә, бәйгенең җиңүчеләре дә, җиңелүчеләре дә була. Быелгы шигырь бәйгесенең нәтиҗәләре: татар төркеме: 1 урын - Мәҗитова Лениза 2 урын - Хәбибуллин Динар 3 урын - Сәхипова Мәликә рус төркеме: 1 урын - Бодагов Родион (татар телен беренче елы гына өйрәнүенә дә карамастан, "Бала белән күбәләк" шигырен аеруча сәнгатьле укыды) 2 урын - Корепанов Никита 3 урын - Галләмова Рубина, Әхмәтҗанов Артур ("Бала белән күбәләк" шигырен рольләп башкардылар) 3 урын - Юрьева Олеся, Шакирҗанова Ленара, Арасланова Рената ("Туган тел" шигыренең төрле телләрдәге яңгырашын күрсәттеләр) Укучыларыбызга Тукай иҗатын өйрәнүдә яңадан-яңа уңышлар телибез, ә татар теле мөгаллимнәренә үсеп килүче буында татар шигриятенә карата кызыксыну уятуга керткән өлешләре өчен олы рәхмәтебезне белдерәбез!