Бүген "Язгы шәфкатьлелек атналыгы" старт алды. План буенча мәктәптә тантаналы линейка, класс сәгатьләре булып узды.  8 нче класс укучылары тарафыннан әзерләнгән чәй өстәле янында мәрхәмәтлелек турында әңгәмә оештырылды.  

Бүген мәктәптә Россиякүләм Бердәм Җиңү дәресе кысаларында гомуми класс сәгате булып узды. Тарих-география укытучысы Шайхутдинов әлеге дәрестә сугышта катнашкан авылдашлар, якташ герой-фронтовиклар, фронтовик укытучылар турында сөйләде. Аерым укучылар герой-шәһәрләр, Бөек Ватан сугышы геройлары, полководецлар турында чыгыш ясадылар. Укучылар үзләрен кызыксындырган сорауларга җавап  алды. Дәрес бик файдалы, нәтиҗәле үтте.

Язгы каникул көннәрендә 8-сыйныф укучысы Шаяхметова И. Чаллыда узган декоратив-гамәли сәнгать һәм  халык кәсепчелеге буенча "Алтын куллар" республика фестивалендә катнашып, I дәрәҗә Диплом белән бүләкләнде (җитәкчесе Габбасова Г.). Котлыйбыз!

Бүген 1-сыйныф укучысы өчен Әлифба бәйрәме булды. Бәйрәмгә башлангыч сыйныф укучылары, әти-әниләр чакырылган иде. Ранэльне беренче җиңүе белән тәбрикләп, укучылар, укытучылар, әти-әниләр изге теләкләрен юлладылар, алга таба да укуында уңышлар теләп калдылар.

Халыкара урманны саклау көне кысаларында мәктәптә гомуми класс сәгате булып узды. Анда Девятерня участок урманчылыгы җитәкчесе Камаев И. чыгыш ясады. Урманда үз-үзеңне тоту кагыйдәләре, урманга сакчыл караш, якын-тирәдәге тыюлыклар турында аңлатты. Әлеге класс сәгате бик кызыклы, әһәмиятле булды.  

Бүген 8-сыйныф укучысы Шакирова А., 9-сыйныф укучысы Габбасова Л. республикакүләм "Илһам" шигырь укучылар бәйгесенең Чаллыда узган төбәкара турында катнаштылар. Кызлар үзләре иҗат иткән шигырьләрен сөйләп, уңышлы чыгыш ясадылар. Афәрин, кызлар!

Бүген "Ел укучысы-2015" район бәйгесендә  10-сыйныф укучысы Габдрахманов Р., 10-11 сыйныф укучылары теләктәшлек группасында уңышлы чыгыш ясадылар.  Молодцы, егетләр-кызлар!

7-класс укучысы Фаррахова Л.нен  "Мое хобби" конкурсына җибәрелгән  проект эше 2-дәрәҗә Дипломга лаек булды. Җитәкче: география-тарих укытучысы Шайхутдинов. Котлыйбыз!

Мәктәбебез укучылары география-тарих укытучысы Шайхутдинов  җитәкчелегендә  "Россия династияләре" регионара конкурста катнаштылар һәм уңышларга ирештеләр:

8-класс укучысы Шакирова А. "Минем бабам "моряк" Шәйхел" иҗади эше - 2-урын

7-класс укучысы Фаррахова Л. "Мы помним Вас, Абдуллины" иҗади эше - 3-урын.

Котлыйбыз! Алга таба да уңышлар юлдаш булсын!

Бүген мәктәптә 6, 10 нчы сыйныф укучылары тарафыннан әзерләнгән бәйрәм концерты булды. Язның беренче бәйрәме белән котлап, укучы кызларга, укытучы апаларга, хезмәткәрләргә матур теләкләрен җиткерделәр, җыр-биюләрен бүләк иттеләр. Концерт бик күңелле үтте.