Бөек Җиңүнең 78 еллыгына багышланган митинг, елдагыча, укучылар, укытучылар, әти-әниләр катнашында узды.  Дәһшәтле сугыш елларында яу кырында башларын салган, хәбәрсез югалган, туган якка кайткач вафат булган авылдашларыбызны искә алып, әдәби-музыкаль композиция күрсәттек. Чыгышыбызны авыл халкы күз яшьләрен тыя алмыйча карады.

"Иң мөһим сөйләшүләр" дәрестән тыш эшчәнлеге әнә шул темага багышлап үткәрелде. Укучылар Бөек Ватан сугышы турында белгәннәре белән уртаклаштылар. тарихи вакыйга хакында белемнәрен киңәйттеләр. Сугышка китеп, шунда ятып калган. хәбәрсез югалган, кайтып һәлак булган авылдашларыбызны, "Үлемсез Полк" акциясенә кушылып, яңадан "терелттеләр". Беркем дә, берни дә онытылмый! Хәтер мәңгелек!

Бүген мәктәбебез "Хәтерлим! Горурланам!" девизы астында " "Георгий лентасы" акциясенә кушылды. Укучылар, авыл халкын якынлашып килүче Җиңү көне белән котлап, күкрәкләренә лента  беркеттеләр, аларны да Бөек Җиңү өчен көрәшкән, яу кырында  башларын салган авылдашларыбызны онытмаска өндәделәр.

Мәктәбебез "Җиңү тәрәзәләре" акциясенә кушылды. Укучылар, класс җитәкчеләре белән берлектә,  сыйныф  бүлмәләре тәрәзәләрен, өйләрендә. әти-әниләр ярдәмендә, йорт тәәзәләрен бәйрәм символлары белән бизәделәр. 

Бүген Тирсә гомуми белем бирү мәктәбендә "Көмеш каләм" район фестивале үткәрелде. Чарада мәктәбебезнең яшь каләм осталары да көч сынашты. "Яшь шагыйрь" номинациясендә 11 нче сыйныф укучысы Латыпова Энҗе, "Яшь блогер" номинациясендә шул ук класстан Щукина Кристина - 1нче, "Яшь хәбәрче" номинациясендә 8 нче сыйныф укучысы Нурмехаметова Зилә, 11 нче сыйныф укучысы Хәбирова Ралиналар - 2 нче, 5 нче сыйныф укучысы Мөхәммәдиева Мәдинә "Нәфис сүз остасы" номинациясендә 2 нче урын алдылар. 

"Көмеш каләм" фестивале кысаларында, якташ язучыбыз, Әгерҗе шәһәрендә яшәп иҗат итүче Наилә Харисова әсәрләренә презентация үткәрелде. Безнең мәктәп укытучылары авторның "Кышка кергәндә" хикәясен сәхнәләштерделәр.

11 нче сыйныф укучысы Хәбирова Ралина татар теленнән  X Халыкара олимпиадада призер булды. Аны бу бәйгегә укытучысы Хуҗина Г.Р. әзерләде.

Татар халкы үзенең бөек шагыйре Габдулла Тукайны онытмый. Без дә мәктәбебездә ел саен шагыйрьнең туган көнен зурлап билгеләп үтәбез. Быелгы "Серле йомгак артыннан" дип исемләнгән кичәгә ветеран педагогларыбыз Фәридә апа Җәмилева, Гүзәлия апа Исмәгыйлова, авылыбыз шагыйрәсе Татарстан һәм Удмуртия язучылар берлеге әгъзасы Әлфирә апа Низамова да килделәр. Кичә дәвамында серле йомгак,  укучыларны һәм кунакларны үз артыннан ияртеп, Тукай тормышын искә төшерде,  шигырьләрен, җырларын җырлаты, кунаклар белән җылы әңгәмә оештырды. Бәйрәмебез халкыбызның гимнына әверелгән "Туган тел" җыры белән тәмамланды.

Бүген мәктәбебездә ел да үткәрелә торган "Куркынычсыз тәгәрмәч " бәйгесенең зона этабы узды. Салагыш, Азево, Красный бор, Девятерня. Кадыбаш, Шаршады мәктәпәреннән килгән көндәшләре белән көч сынашып, безнең укучыларыбыз 1 урынга лаек булдылар. Алар район этабында катнашу хокукы алдылар.  Котлыйбыз һәм алга таба да җиңүләр теләп калабыз!

Мәктәбебез укучылары ел да "Туган телем - иркә гөлем" төбәкара фестиваль - конкурсында катнашып, җиңү яулыйлар. Быелгы фестиваль Г. Тукайның туган көненә һәм Риза Шәфинең тууына 100 ел тулуга багышланган иде. Төрле номинацияләрдә укучыларыбыз түбәндәге нәтиҗәләргә ирештеләр: "Нәфис сүз остасы": Симакова Язгөл, Мөхәммәдиев Ризван - 1 дәрәҗә, Зәйнуллина Иделия, Нурмехаметова Алия, Мөхәммәдиева Мәдинә, Хамидуллина Элизалар 2 нче дәрәҗә лауреат, Хәмидуллина Элиза, Сундукова Зилә, Газизов Нурислам,Рәшитов Самат, Тукманова Диләрәләр - катнашучы; "Көмеш каләм" номинациясендә Хәбирова Ралина - 1нче, Фазлиәхмәтова Алия - 2 нче дәрәҗә лауреат; "Сәхнә күренеше" номинациясендә Исәнбай мәктәбе укучылары "Күбәләкле алан маҗаралары" театры белән 2 нче дәрәҗә лауреат, "Ләйсән" иҗат коллективы катнашучы  исемнәренә лаек булдылар.