26 октябрь көнне Виталий Гайнуллович Тимирясов исемендәге Казан инновацион университеты вәкилләре белән очрашу булды. Бу очрашуда безнең мәктәп укучылары да катнашты.Очрашуда КИУ вәкилләре университет белән таныштырдылар, мастер класс уздырдылар, иҗади эшләрен күрсәттеләр. Укучыларга очрашу бик ошады, барлык катнашучылар канәгать калдылар. Бу очрашуда "Киләчәккә билет" исемле һөнәрләр турындагы  республикакүләм иншалар бәйгесенең муниципаль этабына нәтиҗә ясалды. Нәтиҗәләр буенча 10 сыйныф укучысы Магизов Ильфир җиңүче исеменә лаек булды 

Түбән Майна балалар бакчасында "Җырлап узган җәй" исемендәге музыкалҗ тамаша уздырылды.

Балалар бакчасында тәрбияләнүчеләр һәм 1-6 сыйныфлар арсында үткәрелгән республикакүләм "Матур язам" бәйгесендә Түбән Майна мәктәбенең мәктәпкәчә яшьтәге төркемдә тәрбияләнүчеләр арасында Закирова Ләйсән һәм Насырова Кәүсәр җиңүче исеменә лаек булдылар. 

 6 сыйныф укучысы, 14 октябрь көнне, Әлки муниципаль районының балалар һәм яшүсмерләр спорт мәктәбендә, уздырылган билбау көрәшендә үз авырлыгында беренче урынга лаек булды.

 5 октябрь көнне мәктәптә үзидарә көне уздырылды. Укытучылар көне уңаеннан уздырылыган,мәктәп үзидарә көнендә укучылар бик теләп катнаштылар.

Укытучы!

Кирәк чакта җитез дә син, тапкыр да син

Кирәк чакта сабыр да син, батыр да син.

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

4 октябр көнне районда Укытучылар көне уздырылды. Район җитәкчеләре тарафыннан бик матур котлау сүзләре җиткерелде. Күп кенә укытучыларны Рәхмәт хаты һәм мәгариф бүлегенең грамоталары  белән бүләкләделәр.

6 сыйныф укучылары Самара өлкәсендә уздырылган билбау көрәшендә  1 һәм 3 урыннарны алып кайттылар. Алар диплом, медаль һәм кубок белән бүләкләнделәр.

1 октябрь көнне, Өлкәннәр көне уңаеннан, уздырылган  район ярминкәсендә Түбән Майна мәктәбе дә катнашты.