Ниһаять, җәйге  яллар җитте. Укуны уңышлы тәмамлау белән, без  туган ягыбыз буйлап сәяхэткә кузгалдык. Сәяхәтебез күрше булып торган  Әлки районы Кулбай-Мораса авылыннан башланды. Бу авыл танылган милләттәшләребезне үстергән. Шушы авылның гади малаеннан танылган театр остасы булып җитешкән Габдулла Кариев музее безне таң калдырды. Музейда аңа багышланган әңгәмәне укучыларыбыз игътибар белән тыңлады.

Юлыбызны дәвам итеп Базарлы Матакта урнашкан Лисенков исемендәге Косманавтлар музеена тукталдык. Музей үзе бу районның тирән тарихын туплаган. Балаларның хыялы булган космос  белән якыннанрак танышу мөмкинлеге биргән бу урын күпне бирә. Космонавтларның махсус киемнәрен, азыкларын үз күзләре белән күрү күпләрнең хыялын тормышка ашыргандыр.

Менә чал тарихыбызны саклап торган Болгар юлы. Табигате белән аерылып торган юл, күпне кичергэн Идел балаларны колач җәеп каршы алды. Гасырлар буена сакланган биналар бабайларның һөнәри осталыгын исбатлап горур басып торалар.Укучыларыбыз өчен тарих белән күзгә-күз очрашу  алган белемнәрен тирәнәйтер дип калабыз.

Сәяхәт безнең өчен күңелле үтте. Алар күргәннән канәгать калып, көч туплап кайттылар.