Бөтен донья хатын кызлар бәйрәме 8 март, бу елны бик матур көнгә туры килде. Бәйрәмне дә мәктәптә бик матур үткәрдек. Мөмкинлектән файдаланып Барлык хатын кызларыбызны тагын бер бәйрәм белән котлыйбыз.

 6 сыйныф  укучылары , үзләренең бабалары- сугыш чоры балалары белән мәктәптә очраштылар . Алар  бала чактагы күргән авырлыклары турында сөйләделәр. Укучылар аларга концерт номерлары күрсәттеләр.

Татарстанның атказанган укытучысы,мәгариф отличнигы,сугыш ветераны толы Мөнирә Салах кызы белән 5-6 сыйныф укучылары очрашуы булды. Ул балаларга үткән гомере, сугыш еллары авырлыгы турында сөйләде.

Коллективтан өчәү-Хасанов Р.К, Ахметзянова Г.Р, Сафиуллин И.Д уңышлы гына укып, таныклык алдылар.  Алар барыбызны да яңалыклар белән таныштырып, укыттылар.

Башлангыч сыйныф укытучысы Хәсәнова Чечек Чингиз кызы үзенең укучылары белән авылыбызның мөхтәрәм кешеләре Саматов зәйнулла һәм Рауза әби белән очрашу үткәрде. Аларның бала чагы һәм яшьлекләре авыр елларга туры килсә дә олы тормыш юлын үтеп, бәхетле тигез картлыкта матур гомер кичерәләр. Очрашу вакытында балаларга узган тормыш юллары, авыр балачак хәтирәләре, сугыш еллары авырлыклары турында сөйләделәр.

Шимбә көнне мәктәп бинасында укучылар арасында шашка,шахмат ярышлары узды.Уен бу спорт төрендә бик көчле укучылар барлыгын күрсәтте,нәтиҗәләр сөенечле булды.

Мәктәп күләмендә “Ватан саклаучылар” дигән исем астында, 5-7 сыйныф укучылары арасында рәсем һәм плакатлар конкурсы булып узды. Нәтиҗәләр ясалды. 

Хәрби патриотик айлык кысаларында үткәрелгән чараларның берсе "Аҗаган"ярышы узды.Барлык укучылар да актив катнашты.Бәйрәм истә калырлык булып,күңелле үтте.

3 һәм 4 сыйныф укучылары авылыбызның иң карт әбисе, сугыш ветераны толы Зәмирә әби янынды кунакта булдылар.Аны 100 яшь тулган көне белән котлап үзләренең шигырләрен бүләк иттеләр,җырлар җырладылар. Аларга каршы 1 гасыр яшәгән әби киңәшләрен бирде,рәхмәтен белдерде.

Ял көне "Лыжня России-2014" уздырдык.Бөтен донья буйлап узган чарада без дә янда калмадык.