Бу атнада мәктәптә "Ачык ишекләр" көннәре уздырылачак. Әти - әниләр дәресләргә, класс сәгатьләренә килеп, балаларының уку торышы белән якыннан танышачаклар.

Ф.Әхмәдишин призына уздырылган чаңгы эстафетасында безнең укучылар( Низамов  Х(9кл), Фаттахов Б(8кл), Хабибуллина А(5кл), Хуҗина А(6кл)) 2 урынны яуладылар. Булдырасыз укучылар, алда да уңышлар юлдаш булсын сезгә.

Бүген мәктәбебездә районыбызның химия укытучылары семинары уздырылды. Семинар түбәндәге план нигезендә эшлекле узды.

Район ветераннар советы һәм халыкны эш белән тәэмин итү үзәге, район мәгариф бүлеге тарафыннан Әтәс төп гомуми белем бирү мәктәбе базасында Әтәс авыл җирлеге ветераннарын компьютерга өйрәтү курслары оештырылды.

5 класс укучысы Хабибуллина Алина чаңгыда оста һәм җитез шуучы буларак танылып килә. Бу төр спортта аның инде уңышлары да мактанырлык.  30 декабрьдә уздырылган "Кыш бабай призы" ярышында ул 1 урынны, 5 январьдә уздырылган ярышта 3 урынны яулады. Алинәгә киләчәктә дә уңышлар телибез.

Егетләр арасында уздырылган  Волейбол ярышында мәктәбебез егетләре командасы мактаулы 2 урынны яулады. Алдагы ярышларда да уңышлар телибез.

3 декабрьдән 8 декабрьгә кадәр мәктәптә математика атналыгы игълан ителде. Атналыкта түбәндәге эшләр планлаштырылды.