Райондагы мәктәпләребезнең тарихын өйрәнү, аларның үткәне, бүгенгесе турында материал туплау, тупланган материалларны системага салу һәм шуңа бәйле рәвештә музей фондын тулыландыру максатыннан Актаныш районы Туган як музее, Актаныш муниципаль районы башкарма комитеты мәгариф идарәсе “Туган ягым тарихында мәктәбемнең эзе бар” исеме астында 5-8 нче сыйныф укучылары өчен гамәли-эзләнү конференциясе 25 апрель көнне үткәрелде. Нәтиҗәләргә килгәндә безнең мәктәпнең 7 сыйныф  укучысы Галиева Алинә-  ҖИҢҮЧЕ дипломы һәм истәлекле бүләк белән бүләкләнде.  Укытучысы: Галиева Л.И.

 23 нче апрель көнне “Г.Тукай исемендәге шигырь укучылар” бәйгесенең район этабы үткәрелде. Безнең мәктәптән әлеге бәйгедә Хисамов Булат (5 класс), Шәмсетдинов Рәсил (7 класс) катнашты. Шәмсетдинов Рәсил  1 нче урынны яулады. Афәрин, егетләр! Киләчәктә дә уңышлар телибез.

 20 нче апрель көнне Зөбәер мәктәбе базасында  район мәктәпләренең 7-8 нче класс укучылары арасында "Математик регата" ярышы уза. Анда безнең мәктәпнең 7-8 класс укучылары Сарварова Р., Хисамова М.,Абдуллина А. катнаша. Сезгә уңышлар телибез!

18.04 көнне Актаныш №2 мәктәбендә 8 нче класслар арасында рус теленнән ОГЭ(ТДИ) форматында сочинение конкурсы үтте. Безнең мәктәптән Хисамова Миләүшә катнашты. 

Мәктәптә 4, 5,6 нчы классларда график буенча ВПР(всероссийские проверочные работы) үткәрелә башлады. Укучыларга уңышлар телибез!