Бүген мәктәбебезнең элеккеге укучылары, хәзер инде төрле уку йортлары студентлары,  безгә кунакка килделәр. Алар студент тормышы, үзләре укыган уку йортларындагы белем бирү төрләре турында сөйләделәр. Мәктәбебездә алган белемнең киләчәктә дә бик кирәк булачагына басым ясап, чыгарылыш класс укучыларын фәннәрнең нигезләрен тырышып үзләштерергә өндәделәр. Очрашу ике як өчен дә бик отышлы булды. Студентлар туган мәктәпләренең уңышларына  куансалар, укучылар киләчәккә планнар кордылар. Кыскасы, очрашудан барысы да канәгать калды. Студентларыбызга да, укучыларыбызга да укуда зур уңышлар гына юлдаш булсын иде.