"Бүген 26 октябрьдә Актаныш технология техникумында Көзге бал узды. Чараны директор Шәмсунова Ландыш Явдат кызы ачып җибэрде. Бу чара быел да бик кызыклы үтте. Анда бик күп төркемнәр катнашты. Аларның актерлык осталыгы, костюмнары, оригиналь номерлары, шулай ук пешерелгән тәмле ризыклар һәркемнең соклануына китерде. Без бүгенге яшьләребезнең талантлы энергияле һәм уңай булуына тагын бер кат инандык. Алда безне Кышкы яз бәйрәмнәре, башка чаралар көтә. Аларның һәркайсының үзәгендә янә техникумда укучы кызлар һәм егетләр булачак.Әмма шулай да без иң мөһиме-уку икәнен беркайчан да онытмыйбыз, шуңа күрә студентарыбызга  белгечлекләр һәм һөнәрләр нигезендә уңышлар телибез!"-диеп язып чыгаралар үзләренең телеграмм каналларында безнең студентларыбыз.