Район мәгариф оешмасы тарафыннан яз айларында “Сәламәт педагог – сәламәт бала” проекты гамәлгә куелган иде. Проект кысаларында Актаныш үзәгендә урнашкан һәр балалар бакчасында психологлар, физик тәрбия инструкторы, логопед, музыкант һәм өлкән тәрбиячеләр катнашында чаралар әзерли.  Шуның чираттагысы бүген 3 санлы “Тылсым” балалар бакчасы нда үтте. “Үзең белән һәм дөнья белән гармониядә” дигән исем астында бакчаның психологы Гөлназ Хөҗҗәтова психологик тренинг үткәрде. Чарага килүчеләр хәтерне яхшырту, игътибарны туплау, акыл эшчәнлеген һәм иҗади сәләтләрне үстерүгә корылган кинезиологик күнегүләр эшләде, символ-драма алымы кулланып, уңай хис-эмоцияләр алдылар. Эштә яну, алҗану синдромы — бүгенге көндә киң таралган проблема. Шуңардан арыну, тормышның матурлыгын күрү, ләззәтләнү, хезмәтеңнән тәм табу кебк максатларны алга куеп әзерләнгән чарадан катнашучылар рәхмәтле калды. Чарада катнашучыларга сертификатлар тапшырылды.

1961 нче елның 12 апрелендә совет космонавты Юрий Гагарин “Восток-1” космик корабында “Байконур” космодромыннан старт алган һәм дөньяда беренче кеше булып Җир шарын урап очкан. Космоста очу вакыты 1 сәгать 48 минут дәвам иткән. Космонавтика көне, календарьның теләсә нинди мөһим датасы кебек үк, балалар бакчасында төрле чаралар белән билгеләп үтелә. Балалар өчен Космос темасы бик кызыклы, анда гадәти булмаган, фантазияле темалар күп. “Тылсым” бакчасының зурлар төркеме балалары "Ко�