Мәктәп бакчасын чистартып , лалә суганчаларын утырттык.

Мөстәкыймовлар олимпиадасы биремнәрен эшләдек.

"Сак бул!"-дигән темага класс сәгате үткәрелде.Көзен су буйларында үзеңне ничек тотарга кирәклек аңлатылды.

Өлкәннәр көненә багышланган район күләмендә үткәрелгән конкурста 3 класс укучысы Шәкуров Данил җиңүче булды. Әлеге укучыбыз Актаныш мәдәният йортында үткәрелгән бүләкләү тантанасында катнашты.

Мәктәбебездә эшләп лаеклы ялга чыккан өлкәннәребезне кунакка чакырдык.

 Көзге табигатькә экскурсиягә бардык.

Мәктәп-бакча ашханәсендә авылдашыбыз Шәкурова Фәһимә һәм Миңнуллин Лемар исеменә чалынган корбан ите пешерелде.

Былтыр изге Рамазан айларында нигез ташын салынган иде, Быел менә бу изге эштә катнашкан барлык авылдашлар тырышлыгы белән - Корбан бәйрәме көннәрендә мәчет ишекләрен ачты. Исемен дә җисеменә туры китереп, “Рамазан” дип аталды. Ул авылыбызга үзенең нурын сибеп, һәр гаиләгә тагын да бәхет, изгелекләр өстәсен иде. Алга таба да тынычлыкта, матур итеп яшәргә насыйп булсын! – дип изге теләкләре белән авылдашларга мәчет төзелешенә керткән өлешләре өчен рәхмәтләр җиткерәбез.

Бакчабызда үстерелгән бәрәңгеләрне алып, кышкы саклауга куйдык.

Корбан бәйрәме котлы булсын!