10-11 нче март көннәрендә Минзәлә шәһәрендә 18 нче ачык республикакүләм эстрада сәнгате “Йолдызлык-2018 “яшьләр фестиваленең зона бәйгесе уздырылды. Анда барысы  дүрт районнан: Минзәлә, Әгерҗе, Мөслим, Актаныштан  конкурсантлар катнашты. Безнең районнан барлыгы 212 бала бию, конферанс, җыр сәнгатендә үзләренең көчләрен сынадылар. 2 көн дәвамында барган ярышларда безнең Актаныш балалары  сынатмадылар, призлы урыннар яуладылар. Бию  сәнгате буенча балалар иҗат үзәгенең “Образ” бию төркеменең 1нче группасы- икенче урынга; 2 нче группасы-өченче урынга лаек булдылар. Җитәкчеләре- Миндияров Роман Василий улы һәм Романова Ниссо Саид кызы.Республикабыз башкаласы Казан шәһәрендә узачак ярышларда зуррак  җиңүләр теләп калабыз.