Милли мәгарифне үстерүгә керткән зур өлеше һәм укучыларны татар теле фәненнән дәүләт йомгаклау аттестациясенә сыйфатлы әзерләве өчен Татарстан Республикасы мәгариф һәм фән министрының Рәхмәт хаты белән мәктәбебезнең туган (татар) теле һәм әдәбияты укытучысы Муллагалиева Гөлназ Кашаф кызы  бүләкләнде. Котлыйбыз! Киләчәктә дә уңышлар телибез.

Район мәгариф системасына керткән зур өлеше, күпьеллык намуслы хезмәте өчен Муниципаль Район Башлыгының Рәхмәт хаты белән мәктәбебезнең рус теле һәм әдәбияты укытучысы Зарипова Гөлназ Әмирхан кызы бүләкләнде.Котлыйбыз!!!

За большой вклад в систему образования района, многолетний добросовестный труд Благодарственным письмом главы муниципального района награждена учитель русского языка и литературы Зарипова Гульназ Амирхановна.Поздравляем!!!

Укытучылар көне уңаеннан районның мәдәният сараенда узган чарада мәктәбебезнең "Тәрбия эшләре буенча директор урынбасарлары-2023" бәйгесенең муниципаль этабында  3 нче урын  алганы өчен Вахитова Зәлинә Назыйф кызы, "Педагог-организатор-2023" бәйгесе лауреаты Солтанова Гөлчәчәк Васил кызы бүләкләнделәр. Котлыйбыз һәм киләчәктә дә уңышлар телибез!!! 

Бүген бишенче октябрь, Укытучылар көне! Әлеге күркәм бәйрәм көнендә йөрәктән чыккан иң изге теләкләрне, иң җылы хисләрне кабул итегез! Һөнәрегезгә һәрчак тугры булуыгыз, күңел сафлыгыгыз һәм тырышлыгыгыз өчен зур рәхмәт сезгә! Барыгызга да исәнлек-саулык, күңел күтәренкелеге, зур уңышлар, бетмәс-төкәнмәс энергия, эшегездә яңа үрләр яулавыгызны телим! Сезнең һәр дәресегез укучыларны яңа белемнәргә, фәнни ачышларга этәрсен! Тормыш сезгә һәм укучыларыгызга бары тик “бишле” билгеләре генә куйсын!

Бүген мәктәптә бәйрәм уңаеннан өлкән буын укытучылары белән очрашу узды.

Кичә Актанышның беренче санлы мәктәбендә «КӨНЧЫГЫШ КАМА АРЪЯГЫ ТАТАР АВЫЛЛАРЫ» китабын тәкъдим иттеләр. Әлеге китапта Актаныш төбәге һәм анда яшәүчеләр турында да язылган. Республика фәни семинарында мәктәп директоры, татар теле һәм тарих укытучысы катнашты.

"Көмеш кыңгырау" газетасының 30 нчы сентябрь 38 нче санында  8Б сыйныфы укучысы Әминә Шакированың "Белер идек кадерен", 9 нчы сыйныф укучылары: Алинә Шәехованың "Гаделлек сүзегездә", Рәмилә Ханнанованың "Яраткан укытучым!", Нәзлия Латыйпованың "Әгәр алар булмаса...", Ләйлә Нуриеваның "Якын дус та, киңәшче дә", 10 нчы сыйныф укучысы Энҗе Имамова "Тәмләп кенә" шигырьләре һәм мәкаләләре басылып чыкты. Укытучылары Муллагалиева Гөлназ Кашаф кызы. Афәрин! Укучыларга иҗади уңышлар теләп калабыз!

Хөрмәтле өлкәннәребез! Халыкара өлкәннәр көне уңаеннан сезгә иң җылы, ихлас котлауларыбызны җиткерәбез. Без сезне, хезмәтегезне ихтирам итәбез, рәхмәтләребезне белдерәбез. Һәммәгезгә дә нык сәламәтлек, иминлек, озын гомер, күңел тынычлыгы, якын кешеләрегезнең мәхәббәтен, игътибарын һәм хөрмәтен тоеп, озак яшәвегезне телибез.

Бүген мәктәптә Өлкәннәр ункөнлеге уңаеннан 5-7 класс укучыларының әби-бабайлары белән очрашу узды.

Мәктәп коллективы ярминкәдә.

Коллектив школы на ярмарке.