Татар халкы элек – электән гыйлемле булган, укымышлы милләт икәнен раслап килгән. Нинди генә сәяси – иҗтимагый шартларда яшәсә дә, ул мәгърифәт юлына йөз тоткан, белем учагын сүндермичә, аны буыннан – буынга тапшыра торган булган. Шуларны истә тотып 28 март көнне милли - мәдәни үзәк “Яшьлек”тә “Теле барның иле бар” дигән темага шигырь бәйгесе булып узды.

Бәйгенең төп максаты укучыларга туган тел аша халыкның бай рухи мәдәниятен, идеалларын, озак еллар буе тупланган белемнәрен һәм тормыш тәҗрибәсен җиткерү. Барлыгы 69 укучы катнашты. Чыгыш ясаган һәр укучы әсәрнең эчтәлеген тулысынча образга кереп башкарды.