Башлангыч классларда “Сөмбелә ” бәйрәме үтте. Бәйрәмгә ата-аналар һәм класс җитәкчеләре  чакырылды. Укучылар көзге табигатькә  карата табышмакларга җавап таптылар,  “Җир тәмлеме?”, “Шалкан ” әкиятләрен сәхнәләштерделәр. Уеннар , җыр- бию белән аралашып барган  бәйрәм чәй табыны артында дәвам итте.

Мәктәптә укучыларга    “Интернет безгә куркынычмы? ”,  “Комьютер һәм интернет” , “ Интернеттан дөрес файдалану” турында төрле формадагы әңгәмәләр, класс сәгатьләре үтте.

Татар теле һәм әдәбияты укытучысы Г.В. Кашапова Әтәс төп гомуми белем бирү мәктәбендә узган татар теле һәм әдәбияты укытучылары  семинарында булып кайтты, алган тәэсирләр белән уртаклашты.

Район күләмендә үткәрелгән бадминтон ярышында, 2003 елгы укучылар арасында,  Хабибрахманова Алсу 1нче урынны, Тимерова Алинә 3 нче урынны алды. 

Мәктәптә “15 нче октябрь – Хәтер көне”нә багышланган кичә үткәрелде. Тарих укытучысы Гатауллина С.Р. бик эчтәлекле итеп балаларга халкыбызның үткәне турында сөйләде. Кичә укучыларның  шигырьләре, җырлары белән үрелеп барды.

Корбан гаете мөбарәк булсын. Барчабызга да исәнлек-саулык, бәхет һәм бәрәкәтле озын гомер телибез.

Мәктәптә “Укытучылар бәйрәме” үтте. Бәйрәмдә укучылар укытучыларга бик эчтәлекле концерт күрсәттеләр. Кунак итеп ветеран укытучылар да чакырылган иде.