Әни! Күпме наз бар бу сүздә. “Әннә” диеп телебез ачыла. Беренче адымнарыбызны күреп газиз әниләребез сөенә. Безнең иң якын киңәшчебез, сердәшчебез ул! Аллаһы Тәгалә хатын-кызны йомшак табигатьле, сүзчән, нәфис, хисчән итеп яраткан һәм гүзәл затларга гаиләдәге иң җаваплы, четерекле вазыйфаны – бала тәрбияләүне йөкләгән. Хатын-кыз – иң элек ана һәм гаилә учагын саклаучы ул.

28 нче ноябрь көнне Иске Айман төп гомуми белем бирү мәктәбендә “Әниләр көне”нә багышланган зур бәйрәме үтте. Кичәне татар теле һәм әдәбияты укытучысы Кашапова Гөлүсә Васил кызы алып барды. Бәйрәм әниләргә багышланган сәхнә күренешләре, тирән мәгънәле җырлар, шигырьләр белән үрелеп барды.