Татарстан Республикасы буенча Роспотребнадзор идарәсе мәгълүматләренә караганда 2015 нче елда хайваннар арасында котыру авыруының киң таралуы күзәтелә. Актаныш районында да котырган хайваннарның кешеләргә ташлану очраклары күзәтелә. Укучыларны котыру авыруының нидән гыйбарәт булуы, аны кисәтү чараларын аңлату максатыннан 28 нче гынвар көнне тәрбия эшләре буенча директор урынбасары Мусина Г.М. укучыларга гомуми тәрбия сәгате уздырды, сак булырга кирәклекне аңлатты.

26 нчы гыйнвар көнне тәрбия эшләре буенча директор урынбасары Мусина Г.М. Күҗәкә төп гомуми белем бирү мәктәбендә “Укучылар оешмасы һәм укучылар үзидарәсе эшчәнлеген үстерү, камилләштерү” темасы астында узган семинарда катнашты.

“Парламент дәресләре – 2015” Республика конкурслары кысаларында “Татарстан – ул без” дип исемләнгән балалар рәсеме Республика конкурсының район этабына 4 класс укучысы Калинина Эльвинаның (җитәкчесе – Мусина Г.М.) рәсеме җибәрелде. 

“Дөрес туклану турында сөйләшү” программасы кысаларында уздырылучы “Пешекче китабы язабыз” балалар проекты конкурсына 4 класс укучыларының (класс җитәкчесе – Мусина Г.М.) эше җибәрелде. Укучылар мәктәп ашханәсендә тәмле һәм файдалы ризык – винегрет ясадылар һәм эшчәнлекләре буенча проект эшләделәр. Уңышлар телик аларга!

Ноябрь аенда уздырылган “Эколидер” Республика конкурсында биология укытучысы Хабиров Г.Ә., башлангыч класс укытучысы Мусина Г.М. иҗади проектлар белән катнаштылар. Мәктәп “Белем бирү оешмаларында экологик белем бирү” номинациясендә сертификат белән бүләкләнде. 

 “Мин – Россия  гражданы” социаль проектлар акциясенең  муниципаль этабында катнашып, төп гомуми белем бирү мәктәпләре арасында 5 нче класс укучысы Миргалимов Рифат 3 нче урын алды. 

14 нче гыйнвар көнне мәктәптә 1 нче яртыеллык нәтиҗәләре буенча гомуми ата – аналар җыелышы узды.