Район башлыгының Чыршы бәйрәме 2018 елның 27 декабрендә «Буләк» базасында узды. Бу чара ел саен укучыларны укыту, спорт, фәнни, иҗади, интеллектуаль һәм башка эшчәнлектә ирешкән уңышлары өчен бүләкләү максатыннан үткәрелә. Бәйрәмгә район мәктәпләреннән 150гә якын укучы һәм укытучы килде. Анда безнең мәктәптән 7нче класс укучысы Ахметов Раушан һәм 9нчы класс укучысы Әбүдәрова Зилә Рөстәм кызы катнашты. Актаныш муниципаль районы башлыгы Энгель Нәвап улы Фаттахов балаларны якынлашып килүче Яңа ел бәйрәме белән котлады! Яңа елда уңышлар, яңа мөмкинлекләр һәм казанышлар, сәламәтлек, тынычлык һәм бәхет теләде.