Мәктәптә педагог - организатор Хабирова Сирина Рәдис кызы сценариесе буенча чыршы бәйрәме үтте. Чарада 1-9 класс укучылары катнашты. Бәйрәмгә детсад балалары, әти-әниләр, мәктәпне тәмамлаган укучылар кунак булып килделәр. Мәктәп директоры Газизов Гадел Фирдәвис улы һәм укыту-тәрбия эшләре буенча директор урынбасары Хәбирова Мәйсәрә Фаис кызы бәйрәм белән котладылар һәм алдынгы укучыларны бүләкләделәр. Бәйрәмдә балалар Кыш бабайга үзләренең һөнәрләрен күрсәттеләр: җырладылар, биеделәр, шигырьләр сөйләделәр,үзләре оештырган уеннарда катнаштылар, әкият геройлары булып, чыгыш ясадылар. Кыш бабай белән Кар кызы аларга күчтәнәчләрен өләште. Соңыннан лоторея уеннары уйнатылды. Бәйрәм бик күңелле үтте.