26нчы апрель көнне Иске Җияш авылы клубында башлангыч класс укучылары "Тукайны сагыну" кичәсе үткәрделәр. Кичәнең башында Тукайның тормыш юлы һәм иҗатына багышланган викторина булды. Укучылар сорауларга теләп һәм дөрес итеп җавап бирделәр. Кичәнең икенче өлешендә балалар Тукай әсәрләрен сөйләү һәм сәхнәләштерү осталыкларын күрсәттеләр. Кичәдән авыл халкы бик канәгать калды. Кичәне укытучылары Гәрәева Флүсә Сабит кызы, Миңнеголова Светлана Шәехтимер кызы һәм клуб мөдире Фәтхиева Илгинәләр югары дәрәҗәдә оештырган өчен һәм укучыларның тырыш хезмәтенә Теләкәй төп гомуми белем бирү мәктәбе директоры Әхмәтов Рәмзил Хуҗагали улы рәхмәт белдерде.Кичә ахырында Фәтхиева Илгинә һәм Теләкәй мәктәбе татар теле һәм әдәбияты укытучысының кичәдә катнашучыларга истәлекле бүләкләр тапшыруы  һәм укучыларга уңышлар теләве бәйрәмгә тагын да ямь өстәде.