Тәрбияче Хәйбуллина Э. балалар бакчасында тәрбияләнүче Хэйбуллин И. белән республикакүләм "Тылсымлы остаханә" исемле иҗади конкурсында катнашып катнашучы Дипломы белән бүләкләндекләр.

Бүген мәктәптә югары сыйныф укучыларының студентлар белән очрашу кичәсе үткәрелде. Студентлар кызыклы итеп укулары, сайлаган профессияләре, яна коллективта очраган авырлыклар, һәм аларны җиңү юллары турында сөйләделәр. Укучылар үзләре өчен бик күп файдалы мәгълүмат алдылар. Кичәдә укучылар һәм студентлар ике командага бүленеп интеллектуаль уенда ярыштылар,студентлар командасы җиңүче дип табылды. Кичә күңелле үтте.

Бүген озайтылган көн төркеме укучылары белән "Күңелле стартлар" ярышы оештырылды.

Гимадеева Р. "Бозда сак булам" дип аталган республикакүләм конкурсының район этабында  катнашып  1- урын алды. Аның эше республикага узды. Укучыбызны котлыйбыз! Анда да аңа уңышлар телибез.

Ветеран укытучы Шакиров Нургазиз Салимҗановичны 70 яшьлек юбилее белән котлыйбыз.

Балалар бакчасында бүген искечә Яңа ел бәйрәме үткәрелде. Бәйрәмгә балалар янына Кыш бабай, төлке - Хәйләбикә,бүре - Соры-колак кына түгел, хәттә Санта Клаус та килгән иде.. Балалар Санта Клауска үзләренең бәйрәмнәрдә яратып уйный торган уеннарын өйрәттеләр. Яңадан кунакка чакырып калдылар. Бәйрәм иртәсе күңелле үтте.

Хөрмәтле укытучылар, укучылар һәм ата- аналар! Сезнең барыгызны да якынлашып килүче Яңа ел белән котлыйбыз. Яңа ел һәр йортка иминлек, гаиләләргә тынычлык, муллык һәм бәхет-шатлыклар китерсен иде! Сезнең һәрберегезгә рух ныклыгы, күңел көрлеге һәм сәламәтлек телибез. Ил-көнебез тыныч, барыр юлларыбыз киң, туар таңнарыбыз имин булсын. 2017нче ел яңа бәхетләр белән килсен. Яңа еллар мөбарәк булсын!

Килсен әйдә Яңа еллар

Хәере белән!

Булсын шатлык, сөенече 

Капчыгы белән!

Менә ниһаять безнең барыбызның да көтеп алган бәйрәме килеп җитте. Яңа ел бәйрәме, ул - балачакның иң күңелле бәйрәмнәренең берсе. Бүген балалар бакчасында үткәрелгән " Исәнме,Яңа ел!" исемле бәйрәм иртәсе һәркемне үзенә җыйды. Зал шыгрым тулы иде, олысы-кечесе, барсы да җыелган... Бәйрәм иртәсе җыр- биюләр, шигырьләр, уеннар белән үрелеп барды. Балалар Кыш бабайга ел буе өйрәнгән һөнәрләрен күрсәттеләр. Бәйрәм иртәсе бик күңелле үтте.

Мәктәбебез "Кышкы әкият" кар сыннары конкурсында катнашканы өчен Рәхмәт хаты белән бүләкләнде.