Районыбызның мәдәният йортында укытучылар көненә карата бәйрәм-тантана булып узды. Бу тантанада мәктәбебездә 20, 35 ел белем биргән укытучыларыбыз да катнашты. Хөрмәтле коллегалар! Барыбызны да һөнәри бәйрәмебез, "Укытучылар көне" белән чын күңелдән котлыйбыз! Мәгариф өлкәсе - сабырлык, тырышлык, белем таләп итә торган һөнәр. Сабый бала тормыш ваклыклары арасында югалмасын дип, юл өйрәтеп, хәреф танытучы иң беренче кеше – укытучы. Нәни баланың күңеле уңдырышлы җир-ана кебек, ә укытучы аңа белем орлыклары сала. Бу орлыклардан исә игелек, мәрхәмәт, шәфкать, тәүфыйк кебек сыйфатлар үсеп чыга, ныгый. Әйтерсең лә, укытучы үзенең җанын-тәнен телем-телем кисәкләргә бүлеп балаларга өләшә.  Авыр, әмма мактаулы хезмәтебездә һәркемгә иҗади уңышлар насыйп булсын. Һәркемгә ныклы сәламәтлек, ак бәхетләр телибез. Бәйрәм белән!..

Бүген мәктәбебездә укытучылар көненә багышланган музыкаль кичә булып узды. Бәйрәм концертында яңгыраган җыр-шигырьләр, биюләр, тәбрик сүзләре – барысы да укытучыларыбыз күңеленә хуш килде.

2 октября 2015 года в нашей школе прошел Всероссийский открытый урок по курсу "Основы безопасности жизнедеятельности". Учитель ОБЖ ФоминВ.И. озвучил цели и задачи урока, затем выступили начальник ОП с.Б.Полянки ППС РТ Леонтьев Г.В. Он наглядно продемонстрировал, как с помощью спасательной веревки спустить человека с высотного здания, как пользоваться огнетушителем, а также как с помощью гидравлических ножниц разрезать металл. Учащиеся школы своими руками могли потрогать интсрументы.  

Өлкәннәр көне булса да,

Күңелегез сезнең гел яшь.

Яшәгез безнең арада

Булып назлаучы кояш.  

Бүген мәктәбебезнең мәктәпкәчә яшьтәге балалар төркемендә "Әбием, алтыным!" дип исемләнгән чара узды. Балалар әбиләрен җыр - биюләр, матур шигырь юллары белән шатландырды. Бәйрәмнең икенче өлешендә әбиләр оныклары белән бергәләп уеннар уйнап алды. Ә соңыннын өлкәннәр оныклары ясаган открыткалар белән бүләкләнде. Чара бик күңелле узды.

Илебез буенча 1 октябрьдә  Өлкәннәр  көне уздырыла. Өлкән  кешеләр бик күп авырлыклар күргән, дөньяның ачысын-төчесен татыган кешеләр. Бу айда  гына түгел, ә һәрвакыт без өлкәннәргә игътибар итеп, хөрмәт күрсәтергә, рәхмәтләребезне әйтергә тиешбез. Шуңа да 1 октябрь көнендә безнең мәктәп укучылары катнашында өлкәннәрне хөрмәтләү чарасы үткәрелде, концерт номерлары әзерләнде, котлау открыткалары таратылды. Чара авылыбызның мәдәният йортында узды.

Бүген  сәгать 19.00 дә мәктәптә гомуми ата-аналар җыелышы үтте. Җыелышта Сергеева М.С. "Безопасность детей в школе и дома" , "Права, обязанности и ответственность родителей (законных представителей)", "Социаль - психологик тестирование"  темаларына чыгыш ясады. Шуай ук укыту-тәрбия эше буенча директор урынбасары Баранова И.А. 5 нче сыйныфта узучы мониторинг, ОГЭ яңалыклары белән таныштырды. Физкультура укытучысы Фомин В.И. ГТО сайтынды регистрация үтәргә кирәклеге турында сөйләп үтте. Җыелышның соңгы өлешендә әти - әниләр мәктәбебезнең яңа норматив документлары белән таныштылар.

Көзге уңыш җыю дәвам итә. Буген 7-9 нчы сыйныф укучылары укытучылар белән берлектә чөгендер, кишер алу өмәсендә катнаштылар. Уңышның бик мулдан булуы барыбызны да шатландырды.

 25нче сентябрь көнне мәктәптә  "Балалар ышаныч телефоны"ның 5 еллыгына багышланган сыйныф сәгатьләре үтте. Бу дәрестә укучылар ышаныч телефоны,  аның белән файдалану турында мәгълүмат алдылар. Һәр укучыга  "Балалар ышаныч телефоны "ның номеры таратылды.Сыйныф сәгате  презентация белән үрелеп барды. Укучылар игътибарына темага кагылышлы видеороликлар тәкъдим ителде. Соңыннан дәрестә катнашучы һәр бала ышаныч телефоны турында анкета тутырды.