Бүген гимназиябез укучылары үзләренең яраткан укытучыларын бәйрәм белән котладылар. Укытучылары хөрмәтенә әзерләнгән концерт бик уңышлы үтте. Барыбыз да рәхәтләнеп, укучыларыбызга сокланып, укытучы булуыбызга горурланып карадык әлеге концертны. Укучыларыбызга, аларны әзерләгән тәрбия эшләре буенча директор урынбасары Ә.Р.Шагалиевага, педагог-оештыручы Л.В.Фаракшинага рәхмәтебезне белдерәсебез килә. Укытучылар коллективын гимназия директоры Ф.Г.Яруллина да кайнар котлады.