Нәби Дәүли исемендәге Базарлы Матак гимназиясендә 21 нче февраль-Халыкара туган тел көненә багышлап үткәрелгән чаралар турында мәгълүмат.

“21 нче февраль-Халыкара туган тел көне”темасына 1-11 сыйныфларда сыйныф сәгатьләре үткәрелде.Сыйныф җитәкчеләре материалны балаларның яшь үзенчәлекләренә туры китереп сайлап алдылар.

 “Кыңгырау ”газетасының чираттагы номеры чыгарылды. Укучылар өчен төрле башваткычлар тәкъдим ителде. Ул укучыларның уйлау сәләтен үстерергә ярдәм итә. 5-7 сыйныф укучылары (77 укучы)активлык күрсәттеләр.

5-11 сыйныф укучылары арасында шигырьләр,иншалар бәйгесе үткәрелде.Бәйге укучыларның иҗади активлыкларын үстерүгә ярдәм итә.Барлыгы 23 укучы катнашты.

5 нче сыйныф укучылары  (барлыгы-25 укучы)“Туган телем-иркә гөлем” исемле әдәби-музыкаль кичә тәкъдим иттеләр.Шагыйрьләребезнең туган тел турындагы шигырьләре җырлар,видеоматериаллар белән үрелеп барды.

“Иң сәнгатьле шигырь сөйләүче”дип аталган шигырь сөйләүчеләр бәйгесендә 3-8 сыйныф укучылары катнашты.Укучыларның сөйләм телләренә,сәнгатьлелеккә,артистлык сәләтенә  зур игътибар бирелде.

8-11 нче сыйныф укучылары “Туган телем-иркә гөлем,Киңдер сиңа күңел түрем”исеме астында презентацияләр тәкъдим иттеләр. Һәр сыйныф презентация төзеде.Презентацияләрдә эзләнү-тикшеренү методы кулланылган. Эчтәлек һәм бизәлеш барлык таләпләргә  туры килә.

9-11 сыйныф укучылары үзләренең белемнәрен “Тапкырлар һәм зирәкләр” бәйгесендә сынадылар. Укучылар өчен татар теле һәм әдәбияты буенча биремнәр тәкъдим ителде.

Барлык чараларны гимназиянең татар теле һәм әдәбияты укытучылары: Шәйхетдинова А.И., Фәсәхова  В.Т.  Сафина Л.Г., Әһлиуллина Л.Ш., Вәгыйзова Г.И.  зур җаваплылык  белән әзерләделәр һәм үткәрделәр.