8нче май көнне гимназиядә балалар шагыйрәсе, А.Алиш исемендәге әдәби бүләк иясе, Татарстанның атказанган сәнгать эшлеклесе, "Сабантуй" журналының әдәби бүлек җитәкчесе Йолдыз Шәрапова белән очрашу булды. Укучылар Й.шәрапованың "Каен алмасы" җыентыгына кергән шигырьләрен, үзләре иҗат иткән әсәрләрен яттан сөйләделәр. "Балалар курчак театры" түгәрәгендә шөгыльләнүче балалар "Без- табигать балалары" әсәрен күрсәттеләр. Җитәкчеләре -башлангыч сыйныфлар укытучысы Гарифуллина Р.Р. Йолдыз Шәрапова укучыларга үзенең яңа җыентыгына кергән шигырьләрен тәкъдим иттте һәм тамашачыларның күптөрле сорауларына җавап бирде. Кичәне милли мәсьәләләр буенча директор урынбасары Лилия Шәүкәт кызы Әһлиуллина алып барды. Әлеге чара истәлеккә бергәләп фотога төшү белән тәмамланды һәм һәркем күңелендә тирән эз калдырды.