Теләү-көйләүләр әйтеп авылдашларны Нәүрүз бәйрәме белән котладык. Мәктәп йортында  уеннар уйнап "Карга" боткасы ашадык.

Соңгы ата-аналар җыелышында Әтиләр Советы сайланды.

6нчы сыйныф укучылары сыйныф җитәкчесе Гайнетдинова Р. М. белән һәйкәл янында ремонттан соң чистарту эшләрендә катнаштылар.

Тыл ветераннарын медальләр белән бүләкләү тантанасында катнаштык.

"Подарок ветерану" акциясе кысаларында "Оста куллар" түгәрәк җитәкчесе Гинанова Р. И. һәм технология укытучысы Мингазова Ф. С. җитәкчелегендә укучыларыбыз чәчәк букетлары ясады.

11 - 13нче март көнне 9нчы сыйныф укучысы Зиннатуллина Айзилә Казанда X Республикакүләм "Дулкыннар" бәйгесендә катнашты. "Вокал соло" һәм "Нәфис сүз" номинациясендә чыгыш ясап, "Нәфис сүз" номинаөиясендә җиңеп чыкты. Яңа гасыр ТНВ һәм Яшь ТНВ каналының махсус бүләгенә ия булып Диплом белән бүләкләнде. Җитәкчесе: татар теле һәм әдәбият укытучысы Галиуллина Г. Ә.

Кичә 13нче март көнне 5нче сыйныф укучылары сыйныф җитәкчесе Гибадуллина Г. Х. җитәкчелегендә һәйкәл янындагы карны чистарттылар. Шул ук көнне һәйкәлгә ремонт башланды.

Бүген 5 - 9нчы сыйныф укучылары "Кадетские корпуса Приволжского Федерального округа" дип аталган презентацион ролик карадылар.

Башлангыч сыйныфлар атналыгы уңаеннан 4 сыйныфта Әйләнә-тирә дөнья һәм әдәби укудан интегральләштерелгән ачык дәрес үткәрелде. Темасы: "Гөмбәләр серен белү кирәк"

Башлангыч сыйныфлар атналыгы уңаеннан 1 сыйныфта математикадан "Ике гамәлле мәсьәләләр чишү" темасы буенча ачык дәрес үткәрелде.