Бүген бездә әдәби - музыкаль кичә үзды. Программа Тукай иҗатын өйрәнүне кызыклы чаралар аша  дәвам итү, аның әсәрләренә мәхәббәт хисләре уяту максатыннан төзелде. Бакчага Кырлай урманыннан Шүрәле абзый, су анасы килде. Алар балалар белән бергә уйнадылар һәм җырладылар.

"Кояш, су, һаваның үсемлекләр өчен әһәмияте” -  темасы буенча балалар белән берлектә гади генә тәҗрибәләр  үткәрелде . Үсемлекләрне күзәтә белү сыйфатлары тәрбияләү,  табигать  белән алар арасындагы бәйләнеш булуы турында нәтиҗә  чыгарырга, логик фикерләү сәләтләрен үстерү бурычлары үтәлде.  

Бу уңайдан тирә-юньне аңларга һәм сакларга сәләтле социаль актив, иҗади шәхес тәрбияләү, балаларның Кояш системасы турындагы белемнәрен камилләштерү, кызыксынучанлыкларын, алган белемнәрен мөстәкыйль уен барышында куллану һәм иҗади сәләтләрен үстерү бурычлары куелды.

Балалар бакчасында  "Кошлар-безнең дусларыбыз” проекты өстендә эш алып барылды. Бу проект балаларда кошларга карата сакчыл караш, мәрхәмәтлелек сыйфатлары тәрбияли, күзәтүчәнлекләрен, чагыштыра белү күнекмәләрен үстерә, аларның үзенчәлекле яклары турындагы белемнәрен камилләштерә.