17.10.2017 көнне Борнаш урта мәктәбендә дәвамчылык буенча беренче утырыш булды.Үзебезнең очырган кошчыкларыбызның беренче уңышлары, яңа коллективка кереп китүләре белән таныштык.Киләчәккә яңа бурычларда билгеләнде.

Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен  татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.Дәү әниләребезгә бүләк ясау мизгелләре.

Мед пунктка кереп андагы эш тәртибе белән таныштык. Фельдшерыбыз Ахмадуллина Гөлүсә апа теш кабинетын күрсәтте, сынулар вакытында беренче ярдәм күрсәтүне анлатты. 

Атнага бер тапкыр физкультура шөгелен саф һавада үткәрәбез.Баллар бик теләп гимнастика, физик күнегүләрне эшлиләр. Үзара төрле ярышлар оештырабыз.Саф һаваның файдасын тоерга өйрәнәбез. Кәефебез күтәренке, күңелләр шат.

Космонавтика көненә багышланган атналыкта барлык шөгельләрдә шушы темага багышлап үткәрелде. Рәсем,  кисеп ябыштыру да балалар ракета рәсеме ясадылар.Призентация белән видео язма ясалды.

Мәктәбебезнең музеенда кызыклы экспонатлар бик куп.Шулар белән якыннан танышу өчен музеебызга килдек.Сугышта катнашкан дәү әтиләребезнең фотолары, мамонт теше, универсиада уты, болар барысыда бик үзенчәлекле.

Зур сәхнәне дә үз итергә тырышабыз.Яңа ел, 8 март та гына тугел,  ә карга боткасын пешереп нәүрүз бәйрәмендә дә катнашып язны каршы алдык. Матур итеп җырладык, спорт ярышларында да теләп катнаштык.