Бүген 2 нче класста " Әткәм - әнкәм һөнәре" темасына ачык класс сәгате узды. Укучылар һөнәрләр турында шигырьләр сөйләделәр, җырладылар, табышмакларга җавап таптылар, мәкаль " төене" чиштеләр. Һәр һөнәр иясенә кирәкле эш коралы билгеләделәр, эш кораллары буенча һөнәрне билгеләделәр. Әниләр үз һөнәрләре белән таныштырды. "Кем булырга теләсәгез дә, тырышып укыгыз! " диделәр алар.

10 февраль көнне башлангыч класслар атналыгы кысаларында укытучы Хабибуллина Р.Р. 3 класс укучылары белән технологиядән ачык дәрес үткәрде. Дәрестә укучылар төрле материалларны кулланып җимлек ясадылар, мөстәкыйль эшли белүләрен, иҗади активлыкларын күрсәттеләр.

“Россия чаңгы юлы-2020” ярышында  катнашып, мәктәбебез укучылары  Авхадиев Р.-1 урын (9 класс) , Шайхетдинов Б.-2 урын (11 класс),  Нуруллина З.-3 урын (5 класс), Шарипов И.-4 урын (11класс),  Абдуллазянова И.-4 урын (6 класс), Ситдикова Р.-5 урын (6 класс) яуладылар. Яшь спортчыларны җиңүләре  белән котлыйбыз

Для профилактики гриппа и ОРВИ в школе  8 февраля прошел День здоровья.

Так же  классные руководители провели  мероприятия, классные часы  по информированию учащихся и их родителей о мерах по профилактике гриппа и ОРВИ, показали  видеоролики  по данной тематике, рассказали о необходимости надевать маску, чаще мыть руки с мылом.

8 нче февраль көнне Ашытбаш урта мәктәбендә  Нуриев Р.И призына татарча   көрәш ярышы булып үтте.  Безнең мәктәп  командасы 1 нче урынны яулады (җитәкчеләре Сәләхов М.). Үз авырлыкларында җиңү яулаган  укучыларны чын күңелдән котлыйбыз.

Көрәшчеләргә киләчәктә дә  җиңүләр  юлдаш  булсын!

    Бүген башлангыч класслар атналыгы кысаларында 3-4 класс укучылары белән “Юл йөрү кагыйдәләрен беләсеңме?” дигән темага ачык класс сәгате үткәрелде. Класс сәгатендә укучылар юл  билгеләрен, юл йөрү кагыйдәләрен искә төшерделәр, уеннар уйнадылар. 

Бүген башлангыч класслар атналыгы башланып китте. Укучыларга "Игътибарлы бул!" шаян уены оештырылды. Иң игътибарлы укучы 3 нче класстан Шакирова булды. Җиңүчеләргә һәм катнашучыларга "баллы" күчтәнәч бирелде.