Без бүген чыршы янында

Әйлән- бәйлән уйныйбыз.

Кыш бабайны каршыларбыз

Яңа җырлар җырларбыз.

Нинди матур безнең чыршы,

Җем-җем килеп яна ул.

Башлыйбыз чыршы бәйрәмен

Котлы булсын Яңа ел!

 Бүген безнең бакчабызда Хәсәншәех мәктәбенең 8 сыйныф укучыларыннан торган SMS-балалар отряды "Могҗиза бүләк ит"  акциясе үткәрде. Алар безгә Кыш бабай белән бергә килделәр. Кыш бабай балаларга төрле уеннар уйнатты, ә балалар аңа үзләре өйрәнгән шигырьләрен сөйләделәр. Әлбәттә инде бабакай буш килмәгән, нәни дусларыбызга күчтәнәчләрен өләште. Башлангыч сыйныф укучылары да безгә бүләкләр ясап җибәргәннәр, чөнки алар барысы да шушы бакчада тәрбияләнгән балалар. Балалар бу бәйрәмне бик ошаттылар

Балалар шагыйре Габдулла Тукайның  130 еллык юбилее уңаеннан төзелгән эш планы буенча Тукай шигырьләрен өйрәнүне дәвам итәбез. Тукай әкиятләре буенча төзелгән мультфильмнар безгә шигырьләре яттан өйрәнергә зур ярдәм итә. Сөйләм телен үстерү шөгылендә без бүген "Бала белән күбәләк" шигырен өйрәндек.

Тәрбияче Ахмадуллина Ләлә Зиннуровна Яңа ел бәйрәменә багышлап стенгазета эшләде.

         Ап-ак карның яктысыннан

         Бөтен дөнья агарган.

         Агачларның чәч толымын

         Ап-ак йомшак бәс сарган

          Карагызчы агачларга,

          Нинди сәер матурлык!

            Сокланып карыйк һәммәбез,

            Бу бит кышкы хозурлык!

Чыршы, чыршы без сине

Сагынып көттек ел буе.

Син тагын да матуррак 

Бизәлгәнсең бу юлы.

Тиздән Кыш бабай килер дип көтәбез. Берүзенә генә бөтен балаларга бүләк өләшүе авыр булыр дип, без яңа ярдәм итәр өчен кисеп ябыштыру шөгылендә Кар бабайлар ясадык.

Кышның матурлыгы күбәләктәй яуган ап-ак кар белән. Тик никтер быел кар ява да, тиз арада эреп тә бетә. Ә без бүген чыршыбызны  бизәр өчен эреми торган кар бөртекләре кисәргә өйрәндек. Алар белән бүлмәбезне дә бизәдек.

Нинди генә әкият сөйли башласак та әби белән бабай яшәгән дип  башлыйбыз.Бүген  без Йомры икмәк әкиятен  шулай башладык.