Иртән балалар белән әңгәмә вакытында дүртаяклы дусларыбызга карата мәрхәмәтле булу серләрен даими аңлатып торабыз. Балалар бик горурланып нәни дуслары турында сөйлиләр. Иртән дүртаяклы дусларыбыз безне бакчага озатып калалар, без көне буе нәни дусларыбызны сагынабыз. Менә бүген шөгыль вакытында зурлар төркеме балалары белән оригами ысулы аша үзебезнең песиләребезне ясадык. Аларның исемнәрен әйтергә өйрәндек. Бу ысул ерак Япониядә барлыкка килгән булса да, безнең татар балалары бу ысулны бик яратып башкаралар.