Ученица 8 класса нашей школы Исмагилова Суюмбика приняла участие в заключительном этапе республиканской олимпиады по русскому языку для учащихся школ с родным (нерусским) языком обучения и стала призёром! Мы гордимся тобой, Суюмбика!

8 нче февраль көнне 1нче класста әдәби укудан "[һ'],[һ] авазлары һәм Һ,һ хәрефләре", 4 нче класста туган (татар) теленнән "Сан. Сан төркемчәләре. Микъдар һәм тәртип саннары" темаларына башлангыч класс укытучылары Галимова Р.Ә. һәм Рамазанова Ф.Р. ачык дәресләр бирделәр.

6 нчы февраль көнне башлангыч классларда "Табышмакта - кунакта" дигән класстан тыш чара үткәрелде. Укучылар үсемлекләр, хайваннар, җиләк-җимеш, яшелчәләр турында табышмакларга җаваплар табып, тапкырлыкларын, белемнәрен күрсәттеләр.

6 нчы февраль көнне 2 нче класста әйләнә-тирә дөнья фәненнән "Нинди транспорт була?" темасына башлангыч класс укытучысы Әсхәдуллина Г.Җ. ачык дәрес бирде.

Бүген мәктәбебездә башлангыч  класслар атналыгы башланып китте. Беренче көнне 1-4 нче сыйныфлар арасында татар  халкының  милли  бизәкләренә  багышланган   "Тылсымлы бизәк" дигән  рәсем конкурсы уздырылды.

2 февраль көнне Сталинград өчен барган бәрелешләрдә җиңүгә 81 ел тулды. Сталинград кан коешы 1942 елның 17 июлендә башланып китә. 125 көн дәвамында канкойгыч бәрелешләр бара. 1943 елның 2 февралендә Идел буендагы шәһәр өчен сугышлар совет гаскәрләренең җиңүе белән тәмамлана. Фашистлар Сталинград сугышында 1,5 миллион хәрбиен югалтса, Совет Армиясенең бер миллионга якын солдаты һәм гражданы һәлак була. Бу сугышларда йөз меңнәрчә татарстанлы да катнаша. Татарстаннан 22 мең солдат һәм офицер Сталинград өчен барган кан коешларда мәңгелеккә күзләрен йома. Шәһәр өчен барган сугышларда катнашкан авылдашларыбызның исемнәре музейда кадерле ядкәр булып саклана. Әлеге тарихи вакыйга уңаеннан, бүген укучыларга Сталинград өчен барган сугыш турында мәгълүмат җиткерелде.