Шиһабетдин Мәрҗанине искә алдык. Шиһабетдин Мәрҗанинең тууына 200 ел тулуга багышлап, Казанбаш төп мәктәбенең 5 нче сыйныф укучылары Казанбаш авыл китапханәсенә экскурсия ясадылар. Китапханәдә Шиһабетдин Мәрҗанигә багышланган күргәзмә эшли. Укучылар бөек шәхеснең тормыш юлы, эшчәнлеге белән таныштылар. Китапханәче Рузилә Әүхәдиева укучыларны Мәрҗанигә кагылышлы кызыклы фактлар белән таныштырды. Мәгърифәтче галим, педагог, тарихчы, философ Шиһабетдин Мәрҗани образы үз заманында ук матур әдәбиятта чагылыш таба. Г.Ибраһимов аны “безнең таңыбызның Чулпаны” дип атый. Г.Тукай “Шиһаб хәзрәт” шигырендә аны балкып чыккан тулган айга охшата: Мәгарифкә әүвәл башлап адым салган, Милләт өчен бәһа җитмәс кыйбат хәзрәт, - дип яза. Укучыларда Мәрҗани музее һәм аның исемендәге чишмә ачылу тантанасы турында мәгълүматлар да зур кызыксыну уятты. Милләтебезне үстерүдә үзеннән зур өлеш керкән тарихчы галимнең исеме киләчәк буыннар күңелендә мәңге сакланыр. Габдрахманова Л.М. Туган(татар) теле һәм әдәбияты укучысы.