Бүген 9 нчы класс укучылары өчен соңгы кыңгырау чыңлады.Укучыларны котларга Арча мәгариф идарәсе методисты Г.К.Феоктистова, Үрнәк авыл җирлеге башлыгы урынбасары Ф.И.Тимашев, әти-әниләр килгән иде. Г.К.Феоктистова фәннәр буенча олимпиадада призлы урын алган укучыларга Дипломнар тапшырды, аларга изге теләкләрен җиткерде. Класс җитәкчеләре Загриева Г.М. белән теләкләр язылган шарлар очырдылар. Укучыларга сынауларны уңышлы тапшыруларын, киләчәктә тормышта үз урыннарын табуларын теләп калабыз.Ак юллар Сезгә! Мең тапкырлар ишетелгән Кыңгырауның тавышы. Бүген - соңгы кыңгырау да, Әллә нигә сагышлы. Эчке дулкынлану белән Чыңлый моңлы кыңгырау. Әйтә кебек, сез әзерме? Алдыгызда мең сорау. Иртәгәдән сезне көтә Мөстәкыйль тормыш юлы. Ә тормышның һәрбер көне Сынаулар белән тулы. Ул сынауны үтеп була Акыл һәм белем белән. Тормыш юлын узган чакта Сынатмассыз дип беләм. Соңгы кыңгырау теләге: Шома булсын юлыгыз. Әти-әни һәм мәктәпнең, Горурлыгы булыгыз. Син - безнең ышаныч, диеп, Укытучың эндәшә. Киләчәккә уңыш теләп, Соңгы кыңгырау дәшә.