Габдулла Тукайның 130 еллык юбилее уңаеннан, 2015 ел- Россия Федерациясендә Әдәбият елы дип игълан ителү,  яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау  максатыннан, 2015 нче елның декабрендә Арча муниципаль районы Яңа Кырлай урта гомуми белем мәктәбе базасында  “Тукай эзләреннән” исемле фоторәсем-сәяхәт, рәсемнәр конкурсы  оештырыла.

Яңа Кенәр мәктәбенең 1А класс укучылары бу конкурста бик теләп катнаштылар. Аларның күбесе Тукай әкиятләренә рәсемнәр ясаганнар иде.

Тарих фәненнән олимпиаданың район турында призер булган

8А класс укучысы Нәҗметдинова Алинәне(укытучысы Фазуллина Л.Р.)

чын күңелдән котлыйбыз һәм уңышлар телибез.

Сөрде башлангыч мәктәбендә Әниләр көнен билгеләп үттеләр. Бәйрәмгә әниләр килде. Балалар  әниләргә бәйрәм концерты  оештырдылар.

                                                                   Бүген - Әниләр көне,

Бүген җирдә тантана.

Кояш шуңа көлә бүген,

Гөлләр шуңа шатлана.

Әниләрнең көненә

Куана шулай алар.

Әниләрне котлый бүген

Җирдә барлык балалар.

Кадерле Әниләр!

   Сезне якынлашып килүче Әниләр бәйрәме белән тәбрик итәбез! Сез – безнең яклаучыбыз, саклаучыбыз, барыр юлыбызны яктыртып торучы мәңге сүрелмәс кояшыбыз. Сез булган җирдә ризык бар, җылы бар.

Бердәнбер иң кадерле, иң хөрмәтле, иң якын кешеләребез - Әниләр!

Балаларыгыз турында гел яхшы сүзләр генә ишетеп яшәргә язсын Сезгә! Без бит беләбез: әниләр өчен моңардан да зуррак бәхет юк!

Матур булсын, котлы булсын бәйрәмегез!

Иң кадерле, иң хөрмәтле

Булсын җирдә әниләр.

Әниләрне кадерләсәк,

Тыныч булыр ил – көннәр

Биология олимпиадасының район турында призер булган

9 класс укучысы Шарипова Римманы(укытучысы Садыкова Н.К.)

11 класс укучысы Сагдуллин Салаватны (укытучысы Садыкова Н.К.)

чын күңелдән котлыйбыз.Аларга уңышлар телибез.

Бүген 9 класс укучылары математикадан ОГЭ форматында тестирование үтәләр.Аларга уңышлар телибез.

Бүген математика-информатика атналыгының бишенче көне.Информатика укытучысы Фазуллина Э.Н. 8Б классында "Файллар системасы" дигән темага ачык дәрес үткәрде.

27 ноябрь көнне башлангыч сыйныф укучылары Әниләр көне уңаеннан " Ана бөек исем" дип  исемләнгән чара үткәрделәр. Укучылар әниләрен бәйрәмгә чакырып,аларга үзләренең җырларын. биюләрен. шигырләрен  бүләк иттеләр.

27 ноябрь көнне 6 нчы "Б" сыйныф укучылары,сыйныф җитәкчесе Әниләрне чакырып  "Әниләр көне " уңаеннан әзерләнгән бәйрәм үткәрделәр.Бәйрәм кичәсе җырлар,шигырьләр,җылы теләкләр белән үрелеп барды.Әниләр дә укучылар да бәйрәмне бик яратып,сыйныф җитәкчесе Фәридә Әхмәтхасановнага рәхмәт белдереп кайтып киттеләр.

25 ноябрь көнне Арчада математика олимпиадасының район туры үтте.Яңа Кенәр мәктәбенән

11 класс укучысы Нигметзянов Раил-1 урын (укытучысы Тухватуллина Л.Р.)

10 класс укучысы Хадиев Илнар-призер (укытучысы Галяутдинов М.)

8 класс укучысы Латипова Лилия-призер (укытучысы Тухватуллина Л.Р.)

6 класс укучысы Хакимов Илмир-призер (укытучысы Мостафина Г.Г.)

булдылар.

Җиңүче укучыларны һәм укытучыларны чын күңелдән котлыйбыз һәм уңышлар телибез!