Бүген район Мәдәният йортында мәгариф хезмәткшрләрен бүләкләү тантанасы булды.Анда мәгариф алдынгыларын,төрле өлкәләрдә уңышка ирешүчеләрне бүләкләделәр.Мондый буләккә безнең хезмәттәшләребез директор Гайфуллин А.А. ,физкультура укытучысы Хайруллин З.Т.,биология укытучысы Садикова Н.К., тәрбия эшләре буенча директор урынбасары Ханафиева С.К.,татар теле укытучысы Нигматуллина Л.С. лаек булдылар.Аларны чын күңелдән котлыйбыз.

Буген һәр класста тимер юлда йөрү кагыйдәләре буенча тәрбия сәгатьләре узды.

Хөрмәтле укытучылар!!! Сез – безнең иң кадерлеләребез, үрнәк алырлык кешеләребез. Сез биргән белемнәр, сезнең үгет-нәсихәтегез безгә бүгенге авыр тормышта да дөрес юлдан тайпылмыйча, гел алга барырга ярдәм итә. Үзегезгә дә укучыларыгызның рәхмәтләренә төренеп, аларның ярдәмен тоеп яшәргә насыйп булсын. Атачак таңнарыгыз – аяз, туасы көннәрегез – кояшлы, төннәрегез – тыныч, сәламәтлегегез нык булсын.

Безнең укучыларыбыз "Елмаю белән уртаклаш"акциясендә катнаштылар һәмелмаю формасындагы смайликлар тараттылар.

Чүп чиләгенә ташланган бер батарейка авыр металлар белән 20 квадрат метр җирне яки 400 л.суны пычрата.Кулланган батарейкалар тапшырып,без табигатьне саклыйбыз.

11сентябрь көнне Арча районы Яңа Кырлай авылында традицион бәйрәм -Ат көне оештырылды.Бу бәйрәмдә ат ярышлары һәм торле конкурслар үткәрелде.Әлеге чараны оештыруда безнең мәктәп укучылары да ярдәм итте.

10 класс укучылары мәктәп бакчасында бәрәнге алдылар.

8 класс укучылары өмәгә чыктылар,елга ярларын чүпләрдән чистарттылар.

4 класс укучылары дару үләннәре җыюда актив катнаштылар.

Хөрмәтле укытучылар, укучылар!

1 сентябрь - Белем көне. Инде күп гасырлар дәвамында нәкъ менә бу көнне укучылар иртән-иртүк мәктәпкә ашыгалар. Аларны инде алардан да иртәрәк мәктәпкә килгән укытучылар каршы алалар. Яңа уку елы башлана...

Белем көне - укытучылар белән укучылар бәйрәме генә түгел. Белем көне әти-әниләр өчен дә, студентлар өчен дә, аң-белемнәрнең дөньяда иң зур байлык икәнен аңлаган кешеләр өчен дә зур бәйрәм!

Әлеге бәйрәм белән чын күңелдән котлыйбыз! Укыту-укуда уңышларга ирешегез, алган белемнәр файда алып килен һәм файда китерсен!

Бәйрәм белән - Белем көне белән сезне!