1 -4 класс укучылары арасында шигырь конкурсы булды. 1 - 2 класслар арасында 1 урынны Мортазина Диләрә, 3 -4 класслар арасында 1 урынны Кәримова Алинә алды. Алга таба да сезгә уңышлар телибез.

Иске Кишет башлангыч мәктәбендә  әниләр белән бергә "Иң-иң кадерлеләребез!" дип исемләнгән бәйрәм кичәсе узды. Кичәдә бик күңелле уеннар уйнатылды. Балаларның концерт номерлары бәйрәмне тагын да ямьләде. 

Бәйрәмне оештыручы: Фазлиева М. М.

7 класс укучылары 7 март көнне мәктәп күләмендә “Бәйрәм белән сезне, газиз хатын-кызлар!” исеме астында чыгыш ясады. Укытучыларны, техник хезмәткәрләрне, укучы кызларыбызны бәйрәм белән котлады.    Сыйныф җитәкчесе: Г. Ә. Мостафина

Мәктәбебездә 7-9 класс кызлары арасында "Ягез әле,кызлар!" бәйгесе булды. Бәйгедә кызлар үзләренең төрле яктан осталыкларын, җитезлекләрен күрсәттеләр. Нәтиҗәдә җиңүче булып 9 класс кызлары чыкты. Афәрин, кызлар! Сезне котлыйбыз, киләчәктә дә уңышлар телибез. 

Хөрмәтле хатын-кызларыбыз! Сезне язның беренче бәйрәме - 8 март белән котлыйбыз. Сезгә саулык-сәламәтлек, куаныч-шатлыклар, күңел тынычлыгы, гаилә бәхете, эшегездә зур уңышлар  телибез. 

24 нче февраль көнне Иске Кишет башлангыч мәктәбендә 23 февраль - Ватанны саклаучылар көненә багышланган кичә үтте. Әтиләр катнашында күңелле уеннар оештырылды.

20 нче февраль көнне Әтнә районы Комыргуҗа урта мәктәбендә Ш.Мәрҗани исемендәге республика фәнни-гамәли конференция булды. Безнең мәктәптән Гобәйдуллина Алинә үзенең эзләнү эшен яклап, 3 урын алды. Уңышлар сиңа, Алинә!

Мәктәбебезнең 6 класс укучысы Фазылҗанов Айтуган Татарстан Хәрби комиссариаты үткәргән  “Место подвига-Афганистан” конкурсында катнашып, Мактау грамотасы белән бүләкләнде.