Пәйгамбәребез Мөхәммәт галәйһиссәлам: «Җәннәт - аналарның аяк астында» дип әйтә торган булган. Чынлап та ана булса - бала өчен җәннәт - аның кочагында, аның аяк астында. Тиккә генә олылар балага теләк теләгәндә: «Аталы-инәле, алтын канатлы булсын», дип теләмиләр бит.

    Әни! Шушы исемне әйтү белән кеше күңеленә никадәр җылы хисләр килә, нинди нурлы яктылык сирпелә. 2 декабрь көнне мәктәбебездә 7 класс укучылар көче белән хәзерләнгән (Класс җитәкчесе Фәридә Илдусовна, вожатыйлар: Гарипова Л., Шафигуллина Й.) бәйрәм чыгышы булып узды. Әниләр хөрмәтенә матур җырлар, нәфис сүзлар яңгырады, биюләр башкарылды. Укучылар бу чыгышларын әниләре алдында да күрсәттеләр. Тамашачылар күңелендә “Әнием” презентациясе аеруча җылы тәэсир калдырды.