Бүген мәктәбебездә олы  бәйрәм-  8  март  бәйрәме. Шул  уңайдан  барлык әниләр  өчен концерт  программасы әзерләдек, спектакль  күрсәттек. Укучылар  үз  куллары  белән әзерләгән  бүләкләрен тапшырдылар.

Бүген мәктәбебез  коллективы  башлангыч  класслар укытучысы  Исмәгыйлева Мөнирә  Мәсхүт кызын 50 яшьлек юбилее белән котлады.

Күпме булса җирдә изге теләк
Без телибез сиңа барын да.
Ап-ак карлар кебек бәхет яусын
Туар көннең һәрбер таңында.

Зур бәхетләр юлдаш булсын сиңа,
Көннәреңне шатлык бизәсен.
Сәламәтлек — ярты бәхет, диләр,
Шушы бәхет читләп үтмәсен.

Бүген физика  фәне укытучысы Гайфуллин  Рашат Фәгал улы 7-9 класс укучылары  өчен  КВН  үткәрде. Укучылар  физика өлкәсендәге  кызыклы  сорауларга җавап  бирделәр, үзләре  дә  каршы  як  командаларга  кызыклы  сораулар әзерләгән  иделәр. Нәтиҗәдә  ике  як  команданың  да очколары  тигез булды.

Бүген  "Математика һәм физика фәннәре  атналыгы"  кысаларында математика укытучысы Гильмизянов Рафил Нуретдин  улы 6,7 нче класс  командалары арасында  "Тамчы шоу"  бәйгесе үткәрде. Бәйге бик мавыктыргыч булды. Нәтиҗәдә  7  класс укучылары  җиңү яулады.

Бу  атнада  мәктәбебездә  физика- математика  атналыгы  бара. Физика  укытучысы Гайфуллин  Рашат Фәгалович  5-9  класс белән "Физик  ачышлар" темасы астында кызыклы  тәҗрибәләр үткәрде. Укучылар үзләре бик  теләп әлеге кызыклы  тәҗрибәләрне  ясадылар.

Тиздән халыкара  хатын-кызлар  көне  якынлаша. Шул  уңайдан  һәр  класс әниләрне котлау өчен концерт  номерлары  һәм  бүләкләр  әзерли. 4  класс  укучылары класс җитәкчеләре  Гөлфия  Дәминовна  белән  топиарий  ясыйлар.

Бүген 9,11 класс укучылары  Казан  шәһәренә  экскурсиягә  бардылар. Камал театрында  спектакль карадылар, кино  карадылар.

Хөрмәтле  ир-егетләребез! Сезне Ватанны саклаучылар көне белән чын күңелдән тәбрик итәбез.
Ил барда – егет хур булмас, диләр, илебез сагында торучы кыю, курку белмәс егетләребез барында илебез халкы тыныч йоклар, күгебез гел аяз булыр. Әтиләре, абыйлары үрнәгендә патриотик рухта тәрбияләнгән яшь егетләребезгә хәрби хезмәтләрен үтәгәндә, туган якта калган якыннарының тынычлыгын саклап, үзләрен яхшы яктан гына күрсәтерләр дигән ышаныч белдерәбез.
Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар теләп калабыз.

Бүген  5, 7 класс  варислары  ТИН укытучысы  Габдрахманов  Камил Әдһәм улы  җитәкчелегендә  Бөек  Ватан  сугышында  һәлак  булган  авылдашларыбызга  куелган  һәйкәлгә венок   салдылар.

21 нче  февраль- Халыкара туган  тел  көне уңаеннан  татар  теле һәм әдәбияты укытучысы  Габдрахманова  Гөлниса  Вагыйз  кызы - 8-11 класс  укучылары  белән  "Башваткыч"  уены үткәрде. Уенда 8  класстан- Исмәгыйлев  Раил, 9  класстан- Назметдинова  Камилә, 11 нче класстан  -Назметдинов  Нияз  катнашты.Беренче  урынга  9 класс укучысы  Назметдинова  Камилә  лаек  булды.Уен барлык  укучылар  өчен  бик  файдалы булды.