13 нче октябрь көнне Кукмара шәһәрендә 2005-2006 нчы елгы егетләр арасында волейбол буенча ачык турнир булып узды. Ярышларда Әтнә, Буа, Кукмара, Арча районнарыннан һәм Киров өлкәсеннән 7 команда катнашты. Тренер Ахметов Т.Х. җитәкчелегендәге Арча районы командасы 1 нче урынны яулады. 2 нче урында Киров өлкәсенең Уржум командасы, 3 нче урында Буалылар. Егетләргә алдагы ярышларда да җиңүләр теләп калабыз.

13 нче октябрь көнне "Арча" спорткомплексында 2006-2007 нче елгы егетләр арасында футбол буенча ачык турнир булып узды. Ярышларда Шушмабаш, Яңа Кенәр, Арчаның 1 нче, 2 нче номерлы мәктәпләреннән, "Арча" спорт мәктәбеннән, шулай ук Әтнә, Саба, Биектау районнарыннан 9 команда катнашты. Командалар башта 3 группага бүленеп үзара уйнадылар. Аннары призлы урыннарны бүлешер өчен уеннар башланды. 1 нче урынга Саба районы командасы чыкты. 2 нче урында "Арча" спорт мәктәбе командасы (Тренеры Мифтахов И.Г.), 3 нче урында Әтнәлеләр.

13 нче октябрь көнне Биектауда 2010-11 нче елгы малайлар арасында баскетбол буенча Биектау районы беренчелеге узды. Ярышта Лаеш, Арча, Биектау районнарыннан 4 команда катнашты. Тренер Гимадиев Н.М. җитәкчелегендәге "Арча" спорт мәктәбе командасы 3 нче урында калды.