<span times="" new="" roman',="" times,="" serif;"="">Нәүрүз – борынгы әби-бабаларыбыз үткәргән язны каршылау бәйрәме ул. “Нәүрүз” сүзе фарсы телендә “яңа көн” дигәнне аңлата. Бу бәйрәм көн белән төн тигезләшкән вакытка туры килә, шуңа күрә дә ул яңа көн, яңа ел. Борынгыда бәйрәмне атна буе дәвам иткәннәр. Һәр көннең үз гадәте, үз тәртибе, язылган кануннары булган: 7 көн буена гайбәт сөйләмәгәннәр, каргыш теләмәгәннәр, туган-тумачаларга, күрше-күләнгә яхшылыклар эшләгәннәр, кунакка йөргәннәр, ата-баба каберенә барганнар, сугышларны туктатып торганнар.Безнең бакчабызда да бу бәйрәм зур әзерлек белән үтте.Бәйрәм иртәдән үк группаларга кереп әйбер җыю белән башланып китте.Аннан соң музыкаль залда дәвам итте.Алсу Мөхәммәтовна һәм тәрбиячеләр оештырган бу кичә һәркемнең күңеленә хуш килде.Язгы җылы көннәр тизрәк  килсен, җир өстендә тынычлык,муллык  бары яхшы  игелекле эшләр генә кылынсын дигән теләк белән бәйрәмнән таралыштык.