Бәйрәм күрке булган бизәлгән чыршы, Яңа ел , Кыш бабай, Кар кызы , могҗизалы тамашалар,тылсымлы мизгелләр! Кыш ел фасылында күңелләргә рәхәтлек бирүче бу сүзләр кемгә генә якын түгел икән?! Бәйрәмгә әзерләнү, бүлмәләрне бизәү,үз кулларың белән кыш бабайга бүләкләр ясау үзе бер рәхәт. Безнең балалар бакчасында да бүлмәләр бик матур итеп бизәлде, балалар тырышып яңа ел тамашасы күрсәтергә әзерләнәләр. Ә нәни дусларыбызның  әти- әниләре белән берлектә эшләгән кул эшләре күргәзмәсендә ниләр генә юк ! Аларга карап  сокланмый мөмкин түгел.