Бүген  уртанчылар төркемендә татар теле шөгылендә балалар белән интеллектуаль бәйге узды. "Кошлар - безнең якын дуслар!" темасын йомгаклап, балалар үзләренең  алдагы шөгыльләрдә алган белемнәрен күрсәттеләр. Кышын бездә кышлаучы кошларны тану, аларның нәрсәләр белән тукланулары, кошлар турында халык-авыз иҗаты әсәрләрен күп белүләре белән сөендерделәр. Шөгыль ахырында үзләре әти- әниләре белән берлектә кулдан эшләп килгән нәни кошчыклар турында матур шигырьләрен сөйләделәр.