Бүген без үзебезнең балалар бакчасында милли бәйрәм  – Сабантуй уздырдык. Бакчабызда тәрбияләнүче балалар гөр килеп бәйрәм иттеләр: әйбер кисү, таяк тартышу, чүлмәк вату, кашыкка йомырка салып йөгерү, “ат” чабышы, асфальтка рәсем ясау  кебек ярышлар төрле бию, шигырь сөйләү белән чиратлашып барды. Төркемнәрдәге нәниләрнең берсе дә бүләксез калмады. Әйе, бу сабыйлар үсеп житкәч, бәлки Сабантуйның төп көрәшчеләре, батырлары да булыр. Милли бәйрәмебезнең рухы алар күңеленә әнә шулай сабый чактан сеңеп калыр.Татар халкының милли бәйрәме Сабантуй балаларга бәйрәм рухы биреп кенә калмый, ә аларны бердәмлеккә, рухи хәзинәгә ия булырга да өйрәтә.