Табигатьтә көз хакимлек итә. Бар дөнья нурга төренгән, агачларга игътибар биреп карасаң, анда нинди генә төсләр юк! Көзге муллыктан табыннар тулып тора.  Шушы матурлыктан, муллыктан файдаланып калу максатыннан, без бакчабызда көзге күргәзмәләр оештырдык. Күргәзмәгә балалар әти- әниләре белән берлектә сокланырлык  эшләр алып килделәр. Анда бик матур әкияти образлар, хан сарайлары, табигать күренешләре - тагын әллә ниләр бар. Кыскасы, файдалана белсәң, табигать барсын да бирә, иренмә генә! Бу эшләр балаларга бер яктан матурлыкны күрә һәм тудыра белергә өйрәтсә, икенче яктан әти-әниләр һәм бакча белән бердәмлекне ныгытуга ярдәм итә.