15 февраль Советлар Союзы Герое, патриот шагыйрь - Муса Җәлилнең туган көне. Без аның иҗаты  белән  балалар бакчасында ук таныша башлыйбыз. Муса Җәлилнең  патриотик хисләр белән сугарылган  шигырьләре туган илен яратучы, үз халкына тугры калучы шәхесләр тәрбияләргә ярдәм итә. Бакчабызда тәрбияләнүче сабыйлар шагыйрьнең “Маэмай”, “Куян”,”Әтәч,”“Сәгать”шигырьләре белән таныштылар, иҗаты буенча презентация карадылар.Әлеге шигырьләр нәниләрне эшне вакытында , төгәл башкарырга, үз өстеңә алган вазыйфаларны төгәл үтәргә өнди. Балалар М.Җәлил  геройлары ярдәмендә уңай һәм тискәре сыйфатларны аерырга өйрәнделәр.Шагыйрь әсәрләрендәге геройлар кебек  илгә, халыкка  тугрылыклы, намуслы, дус, бердәм булып үсәргә өйрәтү – төп бурычларыбызның берсе.