Безнең балалар бакчасында әтиләр белән бердәм эшчәнлек алып баруга зур игътибар бирелә.Чираттагы очрашуга әтиләребездән  Гарипов Рәдис чакырылган иде. Ул балаларга  кәгазь  ярдәмендә  бөгеп самолет ясарга өйрәтте. Рәдис абыйлары сабыйларга самолет һәм аның  төрләре турында бик мавыктыргыч итеп сөйләде. Балалар  тыңлап кына калмадылар, ә кунагыбыз белән берлектә кәгазьдән самолет та  ясадылар. Мондый очрашулар балаларга хезмәтне сөяргә, хезмәт кешесенә ихтирам тәрбияләргә, ижади сәләтне формалаштыруга  зур  ярдәм итә. Очрашу  барыбызның күңелендә онытылмаслык мизгелләр калдырды. Һәрчак безнең белән бердәм булуыгыз өчен зур рәхмәт сезгә әтиләребез!