Алтын көз! Болай әйткәндә без табигатьтәге тышкы буяу- бизәкләрне генә күздә тотмыйбыз. Көзнең алтынлыгы, аның кадере һәм күркәмлеге барыннан да бигрәк көзге муллык , иркенлек белән билгеләнә. Менә шундый табигатьтә була торган  матурлык һәм муллык төшенчәсенең мәгънәсенә төшенү максатыннан  бакчабызда " Сөмбелә " бәйрәме уздырдык. Сөмбелә - башак дигән сүз. Өлгергән башак , уңыш, байлык, көзге муллык билгесе . Менә шушы көзге байлыкта , муллыкта бәйрәм ителә торган бәйрәм инде ул  Сөмбелә. Шулай ук , җитен чәчле, зәңгәр күзле, зифа буйлы , сүзгә тапкыр , эшкә уңган кызны Сөмбелә дип атаганнар. Без дә үзебезнең бакчабыздагы иң уңган  Сөмбеләләрне билгеләдек. Бәйрәмнең җиңүчесе уртанчылар төркеменә йөрүчесе кызыбыз  Кадырова Диана  үзенең осталыгын районкүләм бәйгедә сынаячак.