Бакчабызда тәрбияләнүче мәктәпкә әзерлек төркеме балалары  Арчаның икенче номерлы мәктәбенә барып мәктәп тормышы, укучылар белән танышып кайттылар. Мәктәп коллективы аларны бик җылы каршы алды. Класста парта арасына утырып карау, укучы балалар әзерләгән концерт программасын карау безнең балаларга бик ошады. Баланы алдан ук мәктәп тормышы белән таныштыру, аны  бу белем иленә  тарту бик мөһим. Бала мәктәпкә үз теләге белән барып , белем һәм тәрбияне теләк белән алырга тиеш. Безне шулай эчтәлекле программа әзерләп каршы алганнары эчен мәктәп коллективына зур рәхмәт.